NISSART PER TOUGIOU AUX MAIS DE CIMIEZ

 Actus du 7/05/13 - NPT

Car Soci,
 
L'association Nissart per Tougiou est présente aux Mais de Cimiez. La journée du 1er Mai a été très profitable, nous avons diffusé notre culture du mieux que nous avons pu. Beaucoup de nos anciens étaient heureux de nous entendre parler nissart !
Une démonstration de Mourra a eu lieu, une initiation au Vitou, danses improvisées avec "Nice la Belle " et chants avec leurs musiciens. 
 
Nous serons encore présents les Dimanches 5 et 12 Mai à Cimiez. 
Venez nombreux partager votre enthousiasme pour notre belle culture ! 



N'oubliez pas Samedi 18 Mai Place de la Tour dans le Vieux Nice, Nissart per Tougiou relance les Mai de quartier !!! Election de la Reine des Mai, Danses, Chants, Pan Bagnat, mourra, tournois de Vitou.... Venès numerous, avèn besoun de vautre !
(à partir de 10h00 jusqu'à....)

RACONT DE ENRIC MALAUSSENA

 Actus du 7/05/13 - NPT

Gramacì à Bertrand Roussel, diretour-ajount dóu museou arqueoulougic de Nissa, d’avé oufert ai soci de Nissart per Tougiou lou vertigo de la proufoundità dóu temp, aquestou 13 d’abrieu dóu 2013, lou temp d’una visita aproufoundida dau brès arqueoulougic de Nissa que s’atrova à Terra Amata e de la bauma dóu Lazaret proch avesinada, au pèn de mount Bouroun doun li Alpi si finisson, o coumenson, couma lou sentès.

Aquestou luèc museougrafic, counouissut da toui lu arqueoulogou dóu mounde, n’en vèn dei premièri descubèrta fachi au moumen dóu cavamen, un pau après lou 1860, de la routa nova de Vilafranca, que li dihèn ancuèi « Cournis Bas » (Basse Corniche). De naturalista au noum bèn counouissut dai Nissart, Barla e Risso, en fach aremarcà la riquessa dóu site. Un sècoulou passat, de Genouié fin a Julhet dóu 1966, una campagna de fouòrti recèrca pura souta dóu coumant sientìficou de Henri de Lumley, finisserà per la recounouissença dei óutourità poulitiqui loucali e naciounali en plaça, de l’interès de la preservacioun d’aquestou site inaugurat en lou setèmbre dóu 1976.

Eravan 36 à s’aretrouvà 400 000 an en darrié, la mar en davau toucava en aquèu temp lou site ; despì, plan planin lou countinent african, d’abutada en abutada, a finit per n’enaussà de 26 mètre à còu de refrenimen dei placa tectouniqui.

Quauqu’un de 50 an passesse successivamen 8000 còu la relèva en un tetarèu, aquestou nen farìa arribà sus d’aquestou site, fin à Homo Heidelbergensis. Un Erectus que vendrìa d’una aluègnada separacioun dei australopitèque en passant per Homo Habilis. 

Aquestou Ome-Drech (Erectus) a acendut lou fuèc de la nouòstra prehistòria, de fach Terra Amata es lou pu ancian site de la nouòstra planeta que testimònia dóu doumestigamen dóu fuèc dai nouòstre reire antenat.

Homo Heidelbergensis usava jà de peira picada, de chopping-tools o de codou bèn efilat e countendent per poudé amassà d’elefan jouve, de rhinoceros apalhassat en Palhoun, de bisoun, de cerf, de pouòrc sauvage mà finda de dainou, de voulatile, de tartuga, de pèi e de couquilha…aquestou luèc encara souta aiga serà bèn pu tardi lou cours Saleya ! De bèli soubralha d’ouòs que vengon o noun d’aqulu festin soun en li mouòstra dóu museou.
Una emoucioun particulièra percoure l’esquina dei nouòstre « soci » quoura souta d’un veire groussissent vehon apareisse una dènt de lach d’una mainau de 8 an, soulet testimoni d’ouòs uman de n’aquela epoca trouvat fin ahura.

230 000 an pu tardi (dounca lì a 170 000 an) Homo Neanderthalensis a pilhà la plaça de lou nouòstre Ome-Drech, lou pensié simboulic es jà ben present aquì embé li premièra sepultura e a pau à pau embé d’art figuratieu. Cascaiat devers lou – 35000 da Homo Sapiens vengut d’Àfrica dóu levent pi de l’ourient d’ahura, lì laisserà la plaça seguramen mau voulentié. Plan planin mà dau segur, pura ben pu vitou qu’avant, Cro-magnon chamboulerà lou mounde en si pauhant, en alevant e en doumesticant de bèstia, per fin finala n’abrivà en l’istòria, devers lou - 3300 embé li premièra escritura.

Moussù Roussel, em’un sens pedagougicou pounchut, nen pouòrge un fai d’infourmacioun tecniqui e sientifiqui e respouònde pacientamen, ai nouòstri numerouhi questioun. Lou travalh es tant coumplicat que cau au plus pau 8000 gran tiradou de bouòsc per ourdounà, classà, ourganisà touti li traça materiali naissudi dei fouirage. Cau en mai d’acò moubilisà de counouissença en fisica, en chimìa, en bioulougìa… per estabilì, per prouvà, verificà mai e pi mai, de fach devenènt pura incountestable.

Un bèl isemple d’aquela minucìa n’es fournida, passat pau de temp, en la bauma dóu Lazaret, souòrta de catedrala naturala, doun soun menat ancuèi lu fourfoui metoudic, souta l’egida dóu Counsèu General dei Alpi-Maritimi. Aquestou luèc, après de peripecìa administrativi autant longui que coumplicadi que da Tarra Amata, es paciamen cavat, chantilhounat, caroutat au cours dei campagna actuali. Lu element material meme ìnfimou de li còu datant de mai de 100 000 an, soun mandat en de laboratòri especialisat per acò faire.

Après d’aquela rica visita, la chourma s’aretròva souta lu fulhage printanié dai jardin qu’estraploumbon una mediterranéa que n’espousca d’un soulèu mai que generous.
Rescaufat, poudèn que coustatà la fragilità dóu pichin malhoun que sièn, ensin repilhat dau vertigo dei prefount dóu temp. Acò noun n’empacha d’aremercià lu soci dóu burèu de « Nissart per Tougiou » qu’an ourganisat mé paciença aquela visita.


revirada da Jean Louis Bellon

Photos : Dionisi / Denis Bensa